panibagong petsa na naman ang papalit ngayon
tulad ng kalendaryong nagpapalit taun-taon
bulok pa rin ang sistema't dapat magrebolusyon
pagkat petsa lang ang nagbabago sa Bagong Taon
lumang sistema, Bagong Taon, iyan ang totoo
ang kalagayan ng masa'y di pa rin nagbabago
manggagawa'y kontraktwal pa rin, mababa ang sweldo
uring obrero'y alipin pa ng kapitalismo
ang Bagong Taon pa'y sinasalubong ng paputok
tila katatagan ng bawat isa'y sinusubok
animo'y digma, nagpuputukan, nakikihamok
kayraming putok na kamay nang lumipas ang usok
Bagong Taon, lumang sistema, ang katotohanan
elitista pa rin itong naghahari-harian
kailangan pa rin nating maghimagsik, lumaban
upang itayo ang isang makataong lipunan
- gregbituinjr.
Walang komento:
Mag-post ng isang Komento